لاہور:(دنیا نیوز) ایف آئی اے نے لیبیا کشتی حادثے میں رقوم کی غیر قانونی ترسیل کا مرکزی ملزم گرفتار کرلیا۔
ایف ائی اے لاہور انسداد منی لانڈرنگ سرکل نے کارروائی کرتے ہوئے محمد اقبال نامی ملزم کو لاہور ایئر پورٹ سے گرفتار کیا۔
ڈائریکٹر ایف آئی اے لاہور سرفراز ورک کا کہنا تھا کہ ملزم 2013 سے لیبیا میں مقیم تھا اور انسانی سمگلنگ کے نیٹ ورک میں رقوم کی ترسیل میں مددگار تھا، ملزم نے غیر قانونی کشتی کے ذریعے لیبیا جانے والے متعدد پاکستانی شہریوں سے حاصل کردہ غیر قانونی رقوم کی منی لانڈرنگ کی اور انسانی سمگلنگ میں ملوث افراد تک پہنچائیں۔
انہوں نے بتایا کہ ملزم کے بینک اکاؤنٹ سے 8 کڑور روپے کی غیر قانونی ٹرانزکشن پکڑی گئیں، ملزم کا نام ایف آئی اے انسداد منی لانڈرنگ سرکل نے بلیک لسٹ میں ڈال رکھا تھا، ملزم کے خلاف ایف ائی اے انسداد منی لانڈرنگ سرکل میں ایف آئی آر درج تھی۔
دوسری جانب ایف ائی اے انسداد منی لانڈرنگ سرکل لاہور نے ملزم کو گرفتار کر کے مزید تفتیش کا آغاز کردیا۔
