کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں کے دوران 69 کلو سے زائد منشیات برآمد کر کے 6 ملزمان کو گرفتار کرلیا۔
اے این ایف ترجمان کی جانب سے بتایا گیا کہ اینٹی نارکوٹکس فورس نے 7 کارروائیوں میں 69.640 کلو گرام منشیات برآمد کی اور 6 ملزمان کو گرفتار کیا، کارروائیاں پشاور،اسلام آباد،اٹک،کچلاک اور ڈیرہ اسماعیل خان میں کی گئیں۔
ترجمان کے مطابق کارروائیوں میں 58 کلو ہیروئن، 10 کلو 640 گرام چرس،ایک کلو آئس برآمد کی گئی۔
حکام کی جانب سے مزید بتایا گیا کہ گرفتار ملزمان نے تعلیمی اداروں کے طلبہ کو منشیات فروخت کرنے کا اعتراف کیا ہے، گرفتار ملزمان کے خلاف انسداد منشیات ایکٹ کے تحت مقدمات درج کر لیے گئے ہیں۔
