لاہور: (ویب ڈیسک) سیالکوٹ سے لاہور آیا نوجوان لاپتا ہو گیا، کئی روز گزرنے کے باوجود پولیس گمشدہ نوجوان کا سراغ لگانے میں ناکام ہے۔
گمشدہ نوجوان کے اہلخانہ کے مطابق 25 سالہ محمد حذیفہ19 فروری کو لاہور کے علاقہ کالج روڈ کے قریب سے گم ہوا ، کئی روز سے تلاش کے باوجود حذیفہ کا سراغ نہیں مل سکا، اہلخانہ نے نوجوان کےا غواء کا شبہ ظاہر کیا ہے۔
اہلخانہ کی جانب سے مزید بتایاگیا ہے کہ حذیفہ کی گمشدگی کی پولیس رپورٹ کرادی ہے لیکن پولیس کی جانب سے بھی تاحال گمشدہ نوجوان کا سراغ نہیں لگایا جا سکا۔
