لاہور: (دنیا نیوز) صوبائی دارالحکومت لاہور کے علاقے میں چوہنگ میں پولیس کانسٹیبل کے قتل کا مقدمہ درج کرلیا گیا۔
واقعہ کا مقدمہ مقتول کے والد کی مدعیت میں درج کیا گیا ہے، مقدمہ میں قتل اور ڈکیتی کی دفعات بھی شامل کی گئی ہیں۔
ایف آئی آر میں لکھا گیا کہ ہیڈ کانسٹیبل قربان علی نے سفاری پارک کے قریب ایک شخص کو لفٹ دی، نامعلوم شخص نے ایک فائر زمین پر مارا جس سے موٹر سائیکل گر گئی، ملزم نے دوسرا فائر ہیڈ کانسٹیبل کے سینے میں مارا جس سے وہ جاں بحق ہو گیا۔
فائرنگ کے بعد ملزم مقتول کی موٹر سائیکل سمیت دیگر سامان چھین کر فرار ہوگیا، پولیس نے ملزم کی تلاش شروع کر دی۔
یاد رہے گزشتہ پولیس کانسٹیبل قربان علی کو سفار ی پارک کے قریب قتل کردیا گیا تھا۔
