کراچی:(دنیا نیوز)شہر قائد سے جعلی پولیس اہلکار کو اسلحہ اور جعلی کارڈ سمیت گرفتار کرلیا گیا۔
پولیس کے مطابق گرفتار ملزم علاقے میں خود کو پولیس کا اہلکار ظاہر کرتا تھا، جس کی شناخت سید زاہد کے نام سے ہوئی ہے۔
پولیس نے بتایا کہ ملزم لوگوں کودھوکہ دیتا اورغیرقانونی سرگرمیوں میں ملوث تھا، جس کے قبضے سے ایک عدد 9 ایم ایم پسٹل، 29 راؤنڈز، 5 جعلی پولیس کارڈز برآمد کر لئے۔
دوسری جانب گرفتار ملزم کے قبضے سے برآمد اسلحے کو فرانزک کے لیے روانہ کردیا گیا اور کرمنل ریکارڈ مختلف تھانوں سے حاصل کیا جا رہا ہے۔
