منڈی بہاؤالدین: (دنیا نیوز) شدید بارش کے باعث جیل کی دیوار گرنے کا معاملہ، قیدیوں کو سامان سمیت نئی جیل میں منتقل کر دیا گیا۔
آئی جی جیل خانہ جات میاں فاروق نذیر نے کہا کہ 100 حوالاتی قیدیوں کو حافظ آباد ڈسٹرکٹ جیل میں منتقل کیا گیا ہے، سزا یافتہ قیدیوں کو کوٹ لکھپت جیل لاہور منتقل کیا جائے گا۔
میاں فاروق نذیر نے کہا کہ 15 روز کے بعد جیل کی دیوار بنا کر جیل کا ہیلتھ کی ٹیمیں وزٹ کریں گی، جراثیم کش سپرے کے بعد دوبارہ قیدیوں کو جیل میں منتقل کیا جائے گا۔
انہوں نے کہا کہ 2023 میں بھی جیل میں شدید بارشوں کے باعث پانی آ گیا تھا، 2023 میں بھی اسی طرح قیدیوں کو دیگر جیلوں میں عارضی طور پر منتقل کیا گیا تھا۔
میاں فاروق نذیر نے کہا کہ جیل کے اطراف کنکریٹ کا بند بنا کر جیل کو مستقل طور پر پانی سے محفوظ بنانے کی کوشش کریں گے۔
