کراچی: (ویب ڈیسک) شہر قائد میں نوجوان لڑکی اور معمر شخص کی لاش ملی ہے۔
شہر قائد کے علاقے سرجانی ٹاؤن کے علاقے سیکٹر 10 ون مینا بازار کے قریب گھر سے نوجوان لڑکی کی لاش ملی جس کی اطلاع پر پولیس نے موقع پر پہنچ کر لاش کو ہسپتال منتقل کر دیا۔
پولیس حکام کا کہنا ہے کہ متوفیہ کی شناخت 19 سالہ درخشاں دختر عبدالرشید کے نام سے کی گئی جبکہ اہلخانہ نے پولیس کو بیان دیا ہے کہ متوفیہ کی طبعی موت واقع ہوئی ہے جو کہ سانس کی بیماری میں مبتلا تھی، متوفیہ کی لاش چند روز پرانی تھی، تاہم، پولیس واقعے سے متعلق مزید معلومات حاصل کر رہی ہے۔
گڈاپ کے علاقے سپر ہائی وے خلیجی قبرستان کے قریب سے ضعیف العمر شخص کی لاش ملی جو پراسرار طور پر ہلاک ہوگیا، اطلاع ملنے پر پولیس نے موقع پر پہنچ کر لاش کو ہسپتال منتقل کر دیا۔
پولیس حکام نے بتایاکہ متوفی کی شناخت 60 سالہ خورشید احمد کے نام سے ہوئی ہے جبکہ فوری طور پر وجہ موت کا تعین نہیں ہوسکا، پولیس نے مزید تفتیش شروع کردی۔
