لاہور: (دنیا نیوز) سی سی ڈی کے ساتھ مختلف علاقوں میں ہونے والے مبینہ پولیس مقابلوں میں تین ریکارڈ یافتہ ملزمان ہلاک ہوگئے۔
پولیس کے مطابق پہلا مقابلہ لاہور کے علاقے ڈیفنس ہاؤسنگ اتھارٹی (ڈی ایچ اے) کے قریب پیش آیا، جہاں ہلاک ہونے والے ملزم کی شناخت ماجد حسین کے نام سے ہوئی، دوسرا واقعہ باٹا پور کے علاقے میں پیش آیا جہاں دو ملزمان، عمران اور شاہنواز مبینہ مقابلے میں مارے گئے۔
پولیس نے بتایا کہ ملزمان کو نشاندہی کیلئے لے جایا جا رہا تھا کہ ملزمان کے ساتھیوں نے انہیں چھڑانے کے لئے فائرنگ کر دی، جوابی فائرنگ میں ملزمان ہلاک ہوگئے۔
پولیس نے بتایا کہ ہلاک ملزمان کی نعشوں کو مردہ خانے منتقل کر دیا گیا۔
پولیس کا کہنا ہے کہ تینوں ملزمان ریکارڈ یافتہ ہیں اور ان کے خلاف مختلف سنگین مقدمات درج تھے۔
