رحیم یارخان: (دنیا نیوز) رحیم یارخان کے تھانہ سٹی بی ڈویژن میں پولیس اور مسلح ڈاکوؤں کے درمیان فائرنگ کا تبادلہ ہوا۔
ترجمان پولیس کے مطابق فائرنگ کے تبادلے میں ایک ڈاکو زخمی حالت میں گرفتارکرلیا گیا، پولیس تھانہ بی ڈویثرن نے موٹر سائیکل سوار مشکوک افراد کو روکنے کی کوشش کی، مسلح ڈاکو پولیس پر فائرنگ کرتے ہوئے ناکہ توڑ کر فرار ہو گئے۔
ترجمان پولیس نے مزید بتایا کہ فائرنگ کے تبادلے کے دوران ایک ڈاکو زخمی حالت میں گرفتار کر لیا گیا، زخمی ڈاکو کی شناخت علی حسن کے نام سے ہوئی ہے، گرفتار ڈاکو، ڈکیتی، چوری جیسے متعدد سنگین مقدمات کا ریکارڈ یافتہ نکلا ہے۔
پولیس ترجمان کے مطابق گرفتار ڈاکو سے ناجائز اسلحہ قبضے میں لے کر مزید تفتیش شروع کردی گئی ہے۔
