کراچی: (دنیا نیوز) اینٹی نارکوٹکس فورس (اے این ایف) نے تعلیمی اداروں کے طلباء کو منشیات فروخت کرنے والا بین الاقوامی سمگلر گرفتار کر لیا۔
ترجمان کے مطابق اے این ایف نے اسلام آباد انٹرنیشنل ایئرپورٹ پر کارروائی کی، ملزم سے 11.182 کلوگرام ویڈ، 3.616 کلو گرام کینابس برآمد ہوئی، ملزم تھائی لینڈ سے اسلام آباد پہنچا تھا۔
حکام کا کہنا ہے کہ برآمد شدہ منشیات کی مالیت ایک کروڑ چھ لاکھ روپے سے زائد ہے، ملزم منشیات آزاد کشمیر سمگل کرنا چاہتا تھا، ملزم نے ڈھڈیال آزاد کشمیر میں ساتھی طلباء کو منشیات فروخت کرنے کا انکشاف کیا ہے۔
ترجمان کے مطابق ملزم کے خلاف انسدادِ منشیات ایکٹ 1997 کے تحت مقدمہ درج کر لیا گیا ہے۔
