کراچی: (دنیا نیوز) ساؤتھ زون پولیس نے سیف سٹی پراجیکٹ کے تحت پہلی کامیاب کارروائی کرتے ہوئے ایک ملزم کو گرفتار کرلیا۔
ڈی آئی جی ساؤتھ نے بتایا کہ ساؤتھ زون پولیس نے جدید ٹیکنالوجی فیشل ریکیگنیش کےذریعے سے مفرور ملزم کو گرفتار کرلیا، ڈیٹا کارنر کو فیشل ریکیگ نیشن سسٹم کے ذریعے ایک الرٹ موصول ہوا، فیشل ریکیگ نیشن کے ذریعے سے ایک موٹرسائیکل سوار کو سابق جرائم پیشہ ریکارڈ رکھنے والے ملزم کے طور پر شناخت کیا گیا۔
ڈی آئی جی ساؤتھ نے مزید بتایاکہ پولیس کے عملے نے فوری کارروائی کرتے ہوئے مشتبہ شخص کو روکا اور اس کا قومی شناختی کارڈ چیک کیا، تصدیق کے دوران معلوم ہوا کہ ملزم کا نام عبدالعظیم ہے جو چھ مقدمات میں پولیس کو مطلوب تھا۔
ان کا کہنا تھا کہ پولیس نے ملزم کو حراست میں لے کر مزید قانونی کارروائی کا آغاز کر دیا۔
