سجاول: (دنیا نیوز) سجاول میں جت برادری کے دو گروہوں کے درمیان تصادم میں 2 افراد جاں بحق ہوگئے۔
ریسکیو ذرائع کے مطابق سجاول کے نواحی علاقے بڈھو ٹالپر میں جت برادری کے دو گروہوں کے درمیان جھگڑا ہوا، فائرنگ کے نتیجے میں دو افراد زندگی کی بازی ہار گئے، جاں بحق ہونے والوں کی شناخت محمد ہاشم اور عبداللطیف کے نام سے ہوئی ہے۔
ذرائع کا کہنا ہے کہ دونوں افراد کی نعشوں کو سول ہسپتال سجاول منتقل کر دیا گیا۔
پولیس ذرائع کے مطابق علاقے میں کشیدگی برقرار ہے اور فائرنگ کا سلسلہ جاری ہے، ابھی تک واقعے کا کوئی مقدمہ درج نہیں کیا جاسکا۔
