گرونزے :: (ویب ڈیسک) ڈیلی میل کی رپورٹ کے مطابق روسی صدر ولادیمر پیوٹن کے ایک قریبی لیفٹننٹ نے ایک 5 سالہ بچے کو لگاتار 4 ہزار ایک سو 5 پریس اپس کرنے پر مرسڈیز کا تحفہ دیا ہے۔
چیچنیا کے رہنما رمضان قادروف نے رحیم کورئیف نامی 5 سالہ بچے کو یہ تحفہ لگاتار 2 گھنٹے 25 منٹ کی کامیابی کے بعد لگژری گاڑی کی چابیاں دیں۔چیچنیا کے حکمران نے بچے کو حکم دیا کہ اپنے والد کو گاڑی ڈرائیو کرنے دیں آپ اس مرسڈیز میں سوار ہونے کے اہل ہیں۔
تاہم یہ واضح نہیں کہ ٹیکس دہندگان نے اس گاڑی کے 28 ہزار پونڈ کی ادائیگی کی یا رمضان قادروف نے اپنی ذاتی دولت سے کی۔اس حوالے سے جاری کی گئیں تصاویر میں ڈیوبا یورتھ کے رہائشی رحیم کو مرسڈیز بینز سی کلاس کی ڈرائیونگ سیٹ پر بیٹھے ہوئے دیکھا جاسکتا ہے۔
.jpg)
تحفے میں دی گئی گاڑی سے متعلق ان کا کہنا تھا کہ ’ اب بچے کے والد کو اسے ورزش پر لے جانے کے لیے ٹیکسی میں جانا نہیں پڑےگا‘۔ 4 ہزار ایک سو 5 لگاتار پریس اپس اس حوالے سے نیا ریکارڈ ہے لیکن اسے روس میں رجسٹر نہیں کیا گیا تھا کیونکہ حکام ویڈیو کے معیار سے مطمئن نہیں تھے۔
.jpg)
خیال رہے کہ رمضان قادروف کو سویت یونین ( یو ایس ایس آر) کے خاتمے کے بعد سے انسانی حقوق کی خلاف ورزی کے الزام میں بڑے پیمانے پر تنقید کا سامنا ہے۔
