کراچی: (روزنامہ دنیا) اداکار ہمایوں سعید نے کہا ہے کہ کوشش ہے کہ اب اپنے معمولات سے ہٹ کر تفریح سے بھرپور موضوعات پر مبنی فلموں پر کام کروں۔ منفرد رول کو نبھانا انتہائی مشکل کام ثابت ہو گا۔
میڈیا رپورٹ کے مطابق ہمایوں سعید نے روزنامہ دنیا سے ٹیلیفونگ گفتگو کرتے ہوئے کہا کہ فلم بنانے کا تسلسل ٹوٹا نہیں، اس بار وقفہ دیا ہے اور ٹی وی ڈرامہ سیریل کو ترجیح دی ہے جو اب ناظرین کی توجہ پا رہی ہے۔
ہمایوں سعید نے دعویٰ کیاکہ نئی فلم میں ان کا کردار پہلے تمام کرداروں سے بہت مختلف ہو گا ،میں یہ کردار کرنے کے لئے خاصا پُر جوش ہوں مگر اس منفرد رول کو ادا کرنے کی تیاری انتہائی مشکل کام ثابت ہو گا۔
