لاہور: (ویب ڈیسک) امریکی گلوکارہ جینیفر گروٹ، جنہوں نے 2013ء میں اسلام قبول کیا تھا، کی ایک ویڈیو سوشل میڈیا سمیت دیگر پلیٹ فارم پر وائرل ہو رہی ہے جس میں دیکھا جا سکتا ہے کہ وہ قرآن پاک کی تلاوت کر رہی ہیں اس ویڈیو لوگوں کی طرف سے بہت پسند کیا جا رہا ہے۔
گلوکارہ جینیفر گروٹ نے فیس بک پر ویڈیو شیئر کی تھی جس میں وہ مصر سے تعلق رکھنے والے معروف قاری محمد صدیق ال منشاوی کے انداز میں قرآن پاک کی سورہ البقرہ کی آیات 285 اور 286 کی تلاوت کرتی نظر آرہی ہیں۔
American singer Jennifer Grout recites Quranic verses flawlessly https://t.co/i0fl8nSAX2 @JenniferGrout3 pic.twitter.com/V5ETcQFW3o
— Gulf Today (@gulftoday) December 16, 2019
فیس بک پر شیئر ویڈیو میں دیکھا جا سکتا ہے کہ امریکی گلوکارہ بہت ہی خوبصورت آواز میں قرآن پاک کی تلاوت کر رہی ہیں جسے سن کر لوگ سحر زدہ ہو گئے ہیں، ویڈیو کے ساتھ جینیفر نے تمام امت مسلمہ کو جمعہ کی مبارکباد بھی دی ہے۔
Jumu’a Mubarak Fam!! Here’s a recitation if Verses 285-286 from Sura #Baqarah in the style of the great #Egyptian reciter Mohammed Siddiq Al #Menshawi. Please watch the full video here: https://t.co/PKq8esCYKn #jennifergrout #femalereciters #quran #muslimah pic.twitter.com/oGT20GkLAc
— Jennifer Grout (@JenniferGrout3) December 20, 2019
جینیفر گروٹ نے آیۃ الکرسی پڑھنے کی ویڈیو سوشل میڈیا پر شیئر کی تھی۔ انہوں نے اتنے خوبصورت انداز میں آیت لکرسی کی تلاوت کی تھی کہ لوگ سحر زدہ رہ گئے تھے۔ کچھ لوگوں نے جینیفر کے آیۃ الکرسی پڑھنے پر حیرت کا اظہار بھی کیا تھا۔
جینیفر نے فیس بک پر وضاحت کرتے ہوئے کہا تھا وہ تمام لوگ جو میرے آیت الکرسی پڑنے پر حیران ہیں ان تمام لوگوں کو میں بتانا چاہتی ہوں کہ ہاں میں مسلمان ہوں اور میں نے 2013 میں مراکش میں اسلام قبول کرلیا تھا۔
