ممبئی:(روزنامہ دنیا) سابقہ بھارتی اداکارہ سومی علی نے انکشاف کیا ہے کہ بالی وڈ کے دبنگ اداکار سلمان خان نے اُنہیں ماضی میں دھوکا دیا تھا۔
میڈیا رپورٹ کے مطابق سومی علی ماضی میں فلوریڈا سے بھارت صرف سلمان سے شادی کرنے کے مقصد کیلئے آئی تھیں۔سومی علی نے انکشاف کیا کہ ‘سلمان خان نے اُنہیں دھوکا دیا تھا جس کی وجہ سے اُن کا رشتہ ٹوٹا اور پھر اُنہوں نے بالی ووڈ سے کنارہ کشی اختیار کی۔سابقہ بالی ووڈ اداکارہ نے کہا کہ وہ اپنی زندگی میں آگے بڑھ چکی ہیں، تاہم اُنہوں نے پانچ سالوں میں سلمان خان سے بات نہیں کی۔
سومی کا کہنا تھا کہ انہوں نے 16 سال کی عمر میں سلمان خان کو فلم میں نے پیار کیا میں دیکھااور انہیں یوں لگا کہ ان کو خوابوں کا شہزادہ مل گیاہے۔وہ بھارتی انڈسٹری کا حصہ اداکاری کیلئے نہیں بلکہ سلمان کو زندگی کا حصہ بنانے آئی تھیں۔
واضح رہے کہ سومی علی نے بالی وڈ میں مختصر عرصہ کام کیا، 1990 کے عشرے میں انہوں نے کئی بڑے اداکاروں کے ساتھ کردار نبھائے۔ سلمان خان کے ساتھ ان کی دوستی سے متعلق خبریں کافی عرصہ میڈیا کی زینت بنتی رہیں۔
