ممبئی: (روزنامہ دنیا) دپیکا پڈ کون نے سلمان خان کے ساتھ فلم میں کام کرنے سے انکار کیوں کیا تھا وجہ سامنے آگئی۔
میڈیا رپورٹ کے مطابق دپیکا پڈکون کا کہنا تھا کہ سلمان خان وہ پہلے شخص ہیں جنہوں نے مجھے بالی وڈ کی فلم میں کام کرنے کی پیشکش کی تھی لیکن میں نے انکار کر دیا۔ دپیکا پڈکون نے کہا کہ میرے شوبز کیرئیر کی شروعات میں سلمان خان نے میری ماڈلنگ دیکھ کرفلم میں کام کرنے کی پیشکش کی لیکن میں فلم میں کام کرنے کےلئے تیار نہیں تھی۔ سلمان خان نے میری اداکاری کی صلاحیتوں کو اس وقت بھانپ لیا تھا جب مجھے بھی نہیں پتا تھا کہ میں اداکاری کرسکتی ہوں۔
انہوں نے کہا کہ بالی وڈ میں سب سے پہلے فلم آفرکرنے پرمیں ہمیشہ سلمان خان کی شکر گزار رہو ں گی۔ ایک انٹرویو میں سلمان خان نے دپیکا پڈکون کو بڑی سٹار قرار دیتے ہوئے کہا تھا کہ اب تک کسی نے ایسی فلم آفرنہیں کی جس میں دپیکا اورمیں ایک ساتھ کام کرسکیں۔
