ممبئی: (دنیا نیوز) بھارت میں آر ایس ایس کے غنڈوں کی کارروائیاں جاری ہیں، سینما میں فلم روک کر شائقین کو بالی وڈ خانز عامر خان، شاہ رخ خان اور سلمان خان کو گالیاں دینے پر مجبور کرتے رہے۔
بھارت میں مسلم دشمنی کی جاری مہم اب سکولوں سے نکل کر سینما گھروں تک پہنچ گئی۔ بھارت کے ایک سینما گھر میں جب لوگ اپنی فیملیز کے ساتھ فلم انجوائے کر رہے تھے تو اس دوران آر ایس ایس کے غنڈوں نے فلم روک کر شائقین کو ان تمام فلموں کے بائیکاٹ پر مجبور کیا جن میں عامر خان، شاہ رخ خان یا سلمان خان نے کام کیا ہو۔ ان اداکاروں کو گالیاں دی گئیں اور ساتھ ہی بندے ماترم کے نعرے بھی لگائے گئے۔
واضح رہے کہ سکولوں پر آر ایس ایس کے غنڈوں نے حملے کے ایک مسلمان طالبہ مسکان کو نشانہ بنانے کی کوشش کی تھی تاہم بہادر طالبہ نے اللہ اکبر کے نعرے لگا کر بزدل ہندووں کے حوصلے پست کر دیئے تھے جبکہ مسکان کی جرات کو دنیا بھر میں سراہا گیا تھا۔
