ممبئی: (روزنامہ دنیا) بالی وڈ کے مشہور اداکار نصیرالدین شاہ نے کہا ہے کہ پاکستانی دوستوں اور مداحوں سے جلد ملاقات کی امید ہے۔
میڈیا رپورٹ کے مطابق نصیرالدین شاہ نے کراچی لٹریچر فیسٹیول سے آن لائن گفتگو کرتے ہوئے کہا کہ اللہ تعالی نے چاہا تو جلد پاکستان میں دوستوں سے ملاقات کریں گے۔ انہوں نے کہا کہ صرف اداکار ہی نہیں ہر شخص ہیرو بننا چاہتا ہے لیکن دنیا کو صرف اچھا کام ہی یاد رہتا ہے۔
ان کا مزید کہنا تھا کہ اداکاری کے شعبے اور ادب کا ایک دوسرے سے رابطہ ضروری ہے، مرزا غالب اور فیض احمد فیض جیسے شاعروں نے میرے تخلیقی سفر میں اہم کردار ادا کیا اور ان شخصیات کی وجہ سے ہی ادبی میلوں میں دلچسپی بڑھی۔
