لاہور: (ویب ڈیسک) پاکستان کی معروف اداکارہ لیلیٰ زبیری پاکستان تحریک انصاف (پی ٹی آئی) کے ویمن ونگ کی ممبر بن گئیں جس کے بعد ان کا پہلا بیان سوشل میڈیا پر زیرِ گردش ہے۔
واضح رہے کہ پاکستانی شوبز کے معروف اداکار پاکستان تحریک انصاف کی حمایت کررہے ہیں، اس کے علاوہ پی ٹی آئی کے جلسوں میں بھی بڑھ چڑھ کر شریک ہوتے ہیں۔
سوشل میڈیا پر لیلیٰ زبیری کی ایک ویڈیو وائرل ہو رہی ہے، جس میں اداکارہ نے نوجوانوں طبقے سمیت خواتین سے مخاطب ہوتے ہوئے کہا کہ آپ سب عمران خان کے 2 جولائی کے اسلام آباد والے جلسے میں ضرور شرکت کریں۔
لیلیٰ زبیری نے عوام سے اپیل کی کہ گھروں سے نکلیں اور جلسے کو کامیاب بنائیں کیونکہ ہم پاکستان کے لیے نکل رہے ہیں، ہم پاکستان کے موجودہ مسائل کے خلاف احتجاج کررہے ہیں۔
لیلیٰ زبیری کا وومن ونگ کی ممبر بننے کے بعد پی ٹی آئی کے سینٹرل آفس سے عوام کیلئے خان صاحب کی دو جولائی کی کال کے حوالے سے اہم پیغام۔ pic.twitter.com/RHHEpIfVYL
— Women Wing PTI (@WomenwingPTI) June 27, 2022
