لاہور: (ویب ڈیسک) پاکستان کے معروف اداکار و گلوکار فرحان سعید پٹرول کی بڑھتی قیمت پر اظہارِ خیال کرتے ہوئے عوام پر برس پڑے۔
سماجی رابطوں کی ویب سائٹ ٹوئٹر پر جاری بیان میں فرحان سعید نے گزشتہ شب 22 روپے پٹرول مہنگا کرنے کے حکومتی اقدام پر ٹوئٹ کی اور شہریوں کو آڑے ہاتھوں لیا۔
اداکار نے پاکستانی عوام کو مخاطب کرتے ہوئے لکھا کہ ’پاکستانیوں تم 500 روپے فی لٹر پٹرول بھی ڈلوا لو گے، افسوس‘۔
فرحان سعید نے اپنی ٹوئٹ میں مزید لکھا کہ ’جو قوم اپنے حق کے لیے نہیں کھڑی ہوتی وہ اس سے بھی بدتر کی حق دار ہے‘۔
Pakistaniyon tum 500 rs litre bhi dalwa loge. Afsos
— Farhan Saeed (@farhan_saeed) February 15, 2023
The nations that don’t stand up for themselves, deserve this and worse !#inflation #petrolprice #PakistanEconomicCrisis
واضح رہے کہ حکومت کی جانب سے پٹرولیم مصنوعات کی قیمتوں میں اضافے کے بعد سوشل میڈیا پر صارفین سمیت معروف شخصیات غصے کا اظہار کررہی ہیں۔
گزشتہ شب وفاقی حکومت نے عوام پر مہنگائی کا ایک اور بم گراتے ہوئے پٹرولیم مصنوعات کی قیمت میں 22 روپے سے زائد کا اضافہ کیا ہے۔
