ماسکو: (ویب ڈیسک)مس یونیورس مقابلے میں روس کی نمائندگی کرنے والی ماڈل کسینیا الیگزنڈرا کار حادثے میں ہلاک ہوگئی ہیں۔
روسی میڈیا کے مطابق تویر اوبلاست میں کسینیا الیگزنڈرا اپنے شوہر کے ساتھ سفر کر رہی تھیں کہ اس دوران ان کی گاڑی کے سامنے ایک بارہ سنگھا آ گیا، جس کی وجہ سے ان کی گاڑی کی ونڈ شیلڈ ٹوٹ گئی اور کسینیا کو شدید چوٹیں آئیں۔
اس کار حادثے کے بعد کیسنیا کومہ میں چلی گئیں اور موت زندگی کی جنگ لڑتے ہوئے تقریباً ایک ماہ بعد انتقال کر گئی ہیں، حیران کن طور پر ماڈل کے شوہر اس حادثے میں محفوظ رہے۔
یاد رہے کہ کسینیا 2017 میں نائب مس روس بھی منتخب ہو چکی تھیں اور اس خطرناک حادثے سے چار ماہ قبل ان کی شادی ہوئی تھی۔
