اسلام آباد :(دنیا نیوز) لاہور کے بعد وفاقی دارالحکومت میں بھی ڈینگی نے وار تیز کرلیے۔
محکمہ صحت کے اعداد وشمار کے مطابق گزشتہ 24 گھنٹوں میں اسلام آباد میں 29 نئے ڈینگی کیسز رپورٹ ہوئے جب کہ 10 مریض ہسپتال میں زیرِ علاج ہیں، ان میں سے 16کیسز دیہی اور 13 شہری علاقوں سے رپورٹ ہوئے۔
دوسری جانب ڈینگی سرویلنس ٹیموں نے متاثرہ علاقوں کے ہنگامی دورے کیے، کل 34447 انسدادِ ڈینگی سرگرمیاں انجام دی گئیں،2 مثبت ہاٹ سپاٹس کی نشاندہی، فوری انتظامی کارروائی کی اور 991 گھروں اور کھلی جگہوں پر لاروا کی موجودگی کی تصدیق کی۔
اسی طرح وفاقی وزیرِ صحت کی ہدایت پر 7 علاقوں میں کوئی لاروا نہیں ملا، 32 متاثرہ مریضوں کے گھروں اور 1132 آس پاس کے گھروں میں سپرے کیا گیا۔
علاوہ ازیں حکام کا کہنا تھا کہ 1121 مقامات پر فوگنگ فوگنگ مہم ہائی رسک علاقوں میں مرکوز رہی ، ضلعی انتظامیہ اور محکمہ صحت کا انسدادِ ڈینگی عزم برقرار ہے۔
