تازہ ترین
  • بریکنگ :- آرمی چیف نےخیرپورٹامیوالی اوراسرانی میں تربیتی مشقوں کامشاہدہ کیا
  • بریکنگ :- آرمی چیف نےمیکنائزڈدستوں کی جنگی مشقوں کامشاہدہ کیا،آئی ایس پی آر
  • بریکنگ :- مشقوں میں فارمیشنزنےجارحانہ حکمت عملی کےآپریشنزکیے،آئی ایس پی آر
  • بریکنگ :- آرمی چیف نےفارمیشنزکی آپریشنل تیاریوں کوسراہا، آئی ایس پی آر
  • بریکنگ :- دشمن کوشکست دینےکیلئےچیلنجز سےنمٹنےکی تربیت ضروری ہے،آرمی چیف
  • بریکنگ :- پاک فوج داخلی سالمیت وملکی سلامتی کیلئےکسی خطرےسےنمٹنےکیلئے تیار ہے، آرمی چیف
  • بریکنگ :- کور کمانڈربہاولپورلیفٹیننٹ جنرل خالدضیانےآرمی چیف کااستقبال کیا
  • بریکنگ :- آرمی چیف جنرل قمرجاویدباجوہ کا بہاولپورکادورہ ، آئی ایس پی آر

کورونا پھیلاؤ میں بل گیٹس کے ملوث ہونے کی جعلی خبریں پھیلائی جانے لگیں

Last Updated On 20 May,2020 06:34 pm

لاہور: (ویب ڈیسک) دنیا کے امیر ترین، مشہور امریکی ٹیکنالوجی کمپنی مائیکروسافٹ کے بانی اور فلاحی ادارہ چلانے والے بل گیٹس کے بارے میں جعلی خبریں گردش کر رہی ہیں کہ کورونا وائرس کے پھیلاؤ میں ان کا ہاتھ ہے، جس پر ماہرین کا کہنا ہے کہ ایسے بیانات سے وائرس کو ختم کرنے کے کام میں خلل پیدا ہو سکتا ہے۔

خبررساں ادارے اے ایف پی کے مطابق سوشل میڈیا یر سازشی کہانیاں بنانے والوں کی جانب سے پھیلائی گئی جعلی خبریں اور تصاویر مختلف زبانوں میں گردش کر رہی ہیں جن میں یہ ظاہر کیا جا رہا ہے کہ بل گیٹس کی وجہ سے کورونا وائرس پھیلا ہے۔

واضح رہے کہ بل گیٹس نے کورونا وائرس سے لڑنے کے لیے 25 کروڑ ڈالر (تقریباً چالیس ارب روپے) کی امدادی رقم کا وعدہ کیا ہے۔

صحافیوں کی تربیت کرانے والے ’فرسٹ ڈرافٹ‘ نامی تحقیقی ادارے کے ریسرچ مینیجر روری سمتھ کا کہنا ہے کہ بل گیٹس ہمیشہ سے مخصوص سازشی کمیونٹیوں کا ہدف رہے ہیں۔

اے ایف پی کے مطابق یوٹیوب پر ویڈیو کو کروڑوں لوگوں نے دیکھا ہے جس میں بل گیٹس پر الزام لگایا گیا ہے کہ وہ دنیا کی 15 فیصد آبادی کو ویکسینیشن اور الیکٹرانک مائیکرو چپس سے مٹا دینا چاہتے ہیں۔

ادھر عالمی ادارہ صحت کی جانب سے کوشش کی جا رہی ہے کہ خوف اور پریشانی میں وائرس سے متعلق پھیلائی جانے والی غلط خبروں کو بھی ختم کیا جائے۔

اے ایف پی کے مطابق حال ہی میں فائیو جی نیٹ ورکس اور ہنگری نژاد امریکی ارب پتی جارج سوروس پر بھی کووڈ 19 کو تحلیق کرنے کے الزامات لگائے گئے ہیں۔