لاہور:(روزنامہ دنیا) پروٹین سے بھرپور خشک میوہ جات کا استعمال صحت کیلئے نہایت اہم قرار دیا جاتا ہے مگرگرم تاثیر کے سبب ان کا زیادہ استعمال پیٹ خراب، متلی، نکسیر کا پھوٹنا اور چہرے پر دانوں کا سبب بن سکتا ہے۔
میڈیا رپورٹ کے مطابق طبی ماہرین کا کہنا ہے کہ خشک میوہ جات پھلوں، گوشت اور انڈوں کے برابر مقدار میں پروٹین نہیں دے سکتے مگر ان سے حاصل ہونے والا پروٹین زیادہ مفید ہوتا ہے ۔ بادام نہار منہ کھانے سے ذہانت میں اضافہ اور کمر پتلی ہوتی ہے ۔ اخروٹ میں وٹامن اور معدنی نمک پایا جاتا ہے جس نہ صرف مسلز مضبوط ہوتے ہیں بلکہ اس سے میٹابولزم بھی تیز ہوتا ہے ۔
چلغوزہ جگر اور گردوں کیلئے مفید ہے ، اس میں کولیسٹرول نہیں پایاجاتا جبکہ چلغوزے کی تھوڑی سی مقدار لمبے عرصے تک وزن کم کرنے میں معاون ہے ۔کشمش کا استعمال دانتوں کو مضبوط بناتا ہے مگر گرم تاثیر رکھنے کے سبب اس کے زیادہ استعمال سے پیٹ خراب، متلی، نکسیر کا پھوٹنا اور چہرے پر دانوں کا سبب بن سکتاہے ۔
