تازہ ترین
  • بریکنگ :- پی ٹی آئی کےمنحرف ایم پی ایزکی نااہلی کےبعدخالی نشستوں کامعاملہ
  • بریکنگ :- پی ٹی آئی نےمخصوص نشستوں کیلئے 5 نام الیکشن کمیشن کو بھجوادیئے
  • بریکنگ :- لاہور:بتول جنجوعہ،سائرہ رضا،فوزیہ عباس کےنام شامل
  • بریکنگ :- لاہور: 2 اقلیتی سیٹوں پر ہابوک گل اورسیموئل یعقوب کے نام شامل

ملتان میں ادویات کی سپلائی محدود، میڈیکل سٹور مالکان نے قیمتیں ازخود بڑھا دیں

Published On 19 January,2022 09:08 am

ملتان: (دنیا نیوز) ملتان میں دوا ساز کمپنیوں نے مختلف ادویات کی سپلائی محدود کر دی جس کا فائدہ اٹھا کر میڈیکل سٹور مالکان نے نایاب ادویات کی قیمتوں میں بیس فیصد تک خود ساختہ اضافہ کر دیا، مہنگی ادویات خریدنا مریضوں کے لواحقین کیلئے مشکل ہو گیا۔

ملتان میں زندگی بچانے والی پچاسی ادویات کی سپلائی محدود کر دی گئی، لواحقین نے حکومت سے نوٹس لینے کا مطالبہ کیا ہے۔ میڈیسن مارکیٹ میں شوگر، بلڈ پریشر، اومی کرون کی ادویات میں مسلسل ا ضافے کا سلسلہ جاری ہے جبکہ ہومیوپیتھک ادویات کی قیمتیں بھی کئی گنا بڑھا دی گئی ہیں جس کے حوالے سے محکمہ صحت کے حکام کا موقف ہے کہ ادویات کی قیمتوں میں خودساختہ اضافہ زیادتی ہے تاہم میڈیا اور مریضوں کے لواحقین نشاندہی کریں تو کاروائی ضرور کریں گے۔

مارکیٹ میں سرجیکل آلات نایاب کر کے قیمتوں میں تیس سے چالیس فیصد تک کا اضافہ کر دیا گیا ہے جس سے آپریشن کے حوالے سے مشکلات بڑھنے پر لواحقین کی اکثریت ذہنی اذیت کا شکار ہے۔