لاہور : (دنیانیوز) پنجاب میں ڈینگی کی وبا بے قابو ، گزشتہ چوبیس گھنٹوں صوبہ میں ڈینگی کے 109 نئے مریض سامنے آگئے ۔
ترجمان محکمہ صحت کے مطابق گزشتہ چوبیس گھنٹوں کے دوران راولپنڈی سے 96 جبکہ فیصل آباد سے 6 ڈینگی کے کیس رپورٹ ہوئے۔
ترجمان نے بتایا کہ لاہور سے 3، گوجرانوالہ سے 2 جبکہ میانوالی اور ٹوبہ ٹیک سنگھ سے ایک ، ایک کیس رپورٹ ہوا ، صوبے میں ایک ہفتے کے دوران 859 جبکہ رواں سال اب تک 2976 ڈینگی کے کیسز رپورٹ ہوئے۔
