اسلام آباد: (دنیا نیوز) پنجاب اسمبلی کے تین اراکین اسمبلی میں پاکستان تحریک انصاف میں شمولیت اختیار کر لی ہے۔ پی ٹی آئی میں شامل ہونے والے اراکین کا تعلق پیپلز پارٹی اور ق لیگ جبکہ ایک آزاد امیدوار ہیں۔
تفصیلات کے مطابق تحریک انصاف میں شمولیت شمولیت اختیار کرنے والے ارکانِ اسمبلی نے جہانگیر خان ترین سے ملاقات کی۔ ان میں پیپلز پارٹی کے ڈپٹی پارلیمانی لیڈر ایم پی اے سردار شہاب، آزاد رکن احسن فتیانہ اور مسلم لیگ (ق) کے رکن احمد شاہ کھگہ شامل تھے۔
Delighted to welcome sitting MPAs Ahmed Shah Khaga, Ahsan Riaz Fatyana and Shahab ud Din Seehar in PTI. Future belongs to PTI. IA pic.twitter.com/lMkVKiDFVT
— Jahangir Khan Tareen (@JahangirKTareen) April 3, 2018
ان کا کہنا تھا کہ ملکی وسائل ایک خاندان سے عوام میں تقسیم کرنے کا وقت آ گیا، قومی خزانے کو شیرِ مادر کی طرح برتنے والوں سے جواب طلبی ناگزیر ہے۔ پنجاب کے عوام کو محروم رکھ کر بیرونِ ملک تجوریاں بننے والوں کا محاسبہ وقت کا تقاضا ہے۔ عمران خان کا کہنا تھا کہ قوم کی لوٹی گئی دولت واگزار کروا کر ہی دم لیں گے۔ نظامِ حکومت کی اصلاح اور عوام کی بہبود پر بھرپور محنت کریں گے۔
