لیہ: (دنیا نیوز) لیہ میں تیز رفتاری کے باعث ٹریکٹر ٹرالی اور بس میں تصادم کے نتیجے میں مزدوری کے لئے جانے والے 3 بھائیوں سمیت 6 افراد موقع پر ہی جاں بحق جبکہ ایک شدید زخمی ہوگیا۔
بد قسمت بس لاہور سے ڈی آئی خان جا رہی تھی کہ شوکت آباد کے قریب ٹریکٹر ٹرالی سے ٹکرا گئی، جس کے بعد خوفناک حادثہ ہوا۔ حادثے میں جاں بحق ہونے والے ناصر ولد حاجی امیرشاہ، موسی خان ولد حاجی امیر شاہ، محمد یٰسین ولد حاجی امیر شاہ ،غفور خان ولد اسلم خان، رمضان ولد غلام حیدر شامل ہیں۔ ایک نامعلوم شخص شدید زخمی حالت میں ڈسٹرکٹ ہسپتال لیہ ریفر کر دیا گیا ہے۔
