لاہور: (ویب ڈیسک) سرجیکل اسٹرائیک کے ڈرامے کی طرح بھارتی میڈیا کی جھوٹی فوٹیج اور تصاویربھی منظر عام پر آگئیں۔
بھارتی ٹی وی چینل اے بی پی نے اس ویڈیو کو اپنے ٹویٹر اکاؤنٹ پر بھی شئیر کیا اور دعویٰ کیاکہ یہ ویڈیو بھارت کی پاکستان کے خلاف فضائی کارروائی کی ویڈیو ہے۔بھارتی میڈیا نے دعویٰ کیا کہ بھارتی فضائیہ نے پاکستان میں دہشتگرد کے ٹھکانوں پر حملہ کر کے پلوامہ حملے کا بدلہ لے لیا ہے اور پاکستان کو سبق سکھا دیا ہے۔
بھارتی چینلز پر صبح سے دکھائی جانے والی ویڈیو دراصل 2016 سے یو ٹیوب پر موجود ہے۔ یہ ویڈیو اپ لوڈ ہونے کی تاریخ 23ستمبر 2016 درج ہے اور یہ بھارتی نہیں بلکہ پاکستان ائیرفورس کی نائٹ فلائنگ کی ویڈیو ہے۔
The Unseen Video Of India s Huge Strike Against Pakistan#PulwamaRevenge pic.twitter.com/JfQLtGSbMM
— ABP News (@abpnewstv) February 26, 2019
بغیر تحقیق کیے اور بغیر سوچے سمجھے اس ویڈیو کو پوسٹ کرنے اور اس سے متعلق بھونڈا دعویٰ کرنے پر بھارت کی ایک مرتبہ پھر سے پوری دنیا میں جگ ہنسائی ہو گئی۔
سوشل میڈیا پر جو دوسری ویڈیو گردش کر رہی ہے وہ ایک ویڈیو گیم کے مناظر ہیں جنہیں بھارتی شہری شئیر کر رہےہیں۔
Jai hind today morning 3.30 am Indian airforce attack balakot in Pakistan pic.twitter.com/LRHTEjIqtO
— Arghaya Chakraborty (@ArghayaChakrab1) February 26, 2019
پلوامہ حملے میں 40 سے زائد بھارتی اہلکاروں کی ہلاکت کے بعد بھارتی حکومت اور میڈیا بدحواس ہوچکا ہے
اور پڑوسی ملک سے مسلسل پاکستان کو سبق سکھانے، سفارتی سطح پر تنہا کرنے اور جنگ کرنے جیسی آوازیں آرہی ہیں۔
