راولپنڈی: (دنیا نیوز) بھارت کی کنٹرول لائن پر بلااشتعال فائرنگ کے نتیجے میں ایک پاکستانی فوجی اور 5 شہری شہید ہو گئے، جوابی کارروائی میں 9 بھارتی فوجی ہلاک جبکہ کئی زخمی ہوئے، پاک فوج نے بھارت کے 2 بنکرز بھی تباہ کر دیئے۔ دشمن کو اپنے فوجیوں کی لاشیں اٹھانے میں خوف کا سامنا، سیفد جھنڈا لہرانے لگے۔
آئی ایس پی آر کے مطابق بھارت نے کنٹرول لائن کے مختلف علاقوں میں سیز فائر کی خلاف ورزی کرتے ہوئے شاہ کوٹ، نوسیری اور جوڑا سیکٹر میں شہری آبادی کو نشانہ بنایا، بھارتی فائرنگ اور گولہ باری کا پاک فوج نے بھرپور جواب دیا۔ ڈی جی آئی ایس پی آر کے مطابق دشمن کے مورچوں کو مؤثرانداز میں نشانہ بنایا گیا جس سے بھارتی فوج کو بھاری جانی نقصان پہنچنے کی اطلاعات ہیں۔ پاک فوج کی کارروائی میں 9 بھارتی فوجی ہلاک اور متعدد زخمی ہوئے جبکہ 2 بھارتی بنکرز بھی تباہ کر دیئے گئے۔
Indian unprovoked CFVs in Jura, shahkot & Nousehri Sectors deliberately targeting civilians. Effectively responded. 9 Indian soldiers killed several injured. 2 Indian bunkers destroyed.
— DG ISPR (@OfficialDGISPR) October 20, 2019
During exchange of fire 1 soldier & 3 civilians shaheed, 2 soldiers & 5 civilians injured.
فائرنگ تبادلے میں ایک پاکستانی فوجی اور 3 شہری بھی شہید ہوئے جبکہ 2 فوجی اور 5 شہری زخمی ہیں جنہیں فوری طور پر ہسپتال منتقل کر دیا گیا، بعدازاں زخمی ہونے والے مزید 2 پاکستانی شہری شہید ہو گئے اس طرح شہید ہونے والے شہریوں کی مجموعی تعداد 5 ہو گئی۔
Targeting innocent civilians by Indian Army is an attempt to justify their false claims of targeting alleged camps. Injured civilians evacuated to District hospitals. UNMOGIP as well as domestic & foreign media have open access to AJK, a liberty not available in IOJ&K. pic.twitter.com/mTyxCteYti
— DG ISPR (@OfficialDGISPR) October 20, 2019
ڈی جی آئی ایس پی آر کا سوشل میڈیا پیغام میں مزید کہنا تھا کہ بھارت مبینہ کیمپوں کی آڑ میں شہری آبادی کو نشانہ بناتا ہے، دشمن کو سیز فائر خلاف ورزیوں کا منہ توڑ جواب ملتا رہے گا، پاک فوج کنٹرول لائن پر شہریوں کی حفاظت جاری رکھے گی۔ انہوں نے بھارت کو وارننگ دی کہ کنٹرول لائن کی خلاف ورزی پر دشمن کو ناقابل برداشت نقصان پہنچائیں گے۔
Indian Army shall always get befitting response to CFVs. Pakistan Army shall protect innocent civilians along LOC & inflict unbearable cost to Indian Army. Indian lies to justify their false claims & preparations for a false flag operation will continue to be exposed with truth.
— DG ISPR (@OfficialDGISPR) October 20, 2019
وزیراعظم عمران خان نے ایل او سی پر بھارتی فوج کی جانب سے شہری آبادی پر بلا اشتعال فائرنگ کی شدید مذمت کرتے ہوئے شہید ہونے والے شہریوں اور پاک فوج کے جوان کے درجات کی بلندی اور زخمیوں کی صحت یابی کی دعا کی ہے۔ وزیراعظم نے پاک فوج کو بھارتی سیکیورٹی فورسز کو منہ توڑ جواب دینے، جرات اور بہادری پر سلام پیش کیا ہے۔
