رائے ونڈ: (روزنامہ دنیا) چیف جسٹس لاہور ہائی کورٹ سردار شمیم خان کی تبلیغی مرکز آمد، اکابرین سے ملاقات کی، نماز ظہر تبلیغی مرکز میں ادا کی اور امیر تبلیغی جماعت حاجی عبدالوہاب کی قبر پر فاتحہ خوانی کی، اس موقع پرسکیورٹی کے سخت انتظامات کئے گئے تھے۔
دوسری طرف اپوزیشن لیڈر و سابق وزیراعلیٰ پنجاب شہبازشریف نے بھی عمائدین تبلیغی مرکز احمد باٹلا، میاں احسن، ڈاکٹر ندیم اشرف، نعیم بٹ، مولانا افتخار زمان، ضیاء الحق سے ملاقات کی، ان کی آمد پر مولانا طارق جمیل کے خادم شبیر عثمانی نے ان کا استقبال کیا۔
دوران گفتگو انہوں نے پاکستان کی ترقی و سلامتی اور میاں نوازشریف کی صحت و کامیابی کیلئے دعا کرائی۔ انہوں نے کہا کہ تبلیغی مرکز والوں کیساتھ میاں نوازشریف کا روح کا رشتہ ہے، یہاں آکر ہمیں دلی سکون ملتا ہے۔
