لاہور: (دنیا نیوز) سابق وزیراعظم اور مسلم لیگ ن کے قائد میاں محمد نواز شریف کی طبیعت خراب ہو گئی جسکے بعد نیب کی ٹیم انہیں علاج کے لیے سروسز ہسپتال لیکر پہنچ گئی۔
نیب لاہور کا کہنا ہے کہ سابق وزیراعظم میاں محمد نواز شریف کو طبیعت کی خرابی کے باعث میڈیکل چیک اپ کیلئے ہسپتال منتقل کیا گیا ہے۔
ذرائع کے مطابق سابق وزیراعظم اور مسلم لیگ ن کے تاحیات قائد میاں محمد نواز شریف کو پلیٹس لائٹ کم ہونے کی وجہ سے انہیں سروسز ہسپتال منتقل کیا گیا ہے۔ اس دوران پولیس کی بھاری نفری بھی ہسپتال پہنچ گئی۔
دوسری طرف اطلاع ملتے ہی مسلم لیگ ن کے کارکنوں نے ملتان روڈ پر احتجاج کیا، سڑک پر ٹائروں کو آگ لگا کر ملتان روڈ بلاک کی جبکہ شہباز شریف اور مسلم لیگ ن کی نائب صدر مریم نواز کے شوہر کیپٹن (ر) صفدر نیب آفس پہنچ گئے۔
سوشل میڈیا کی ویب سائٹ ٹویٹر پر ٹویٹ کرتے ہوئے نواز شریف کے ذاتی معالج ڈاکٹر عدنان کا کہنا تھا کہ سابق وزیراعظم اور مسلم لیگ ن کے تاحیات قائد نواز شریف میں پلیٹ لیٹس سیل کی کمی پائی گئی ہے۔
Former PM #NawazSharif is detected to have critically low Platelet Count (16*10^9/L) that could be due to multiple pathologies & requires immediate in-hospital care.
— Dr. Adnan Khan (@Dr_Khan) October 21, 2019
I’ve requested the concerned authorities to act in urgency please. pic.twitter.com/hnaYHEAxkF
اُدھر مسلم لیگ ن کے صدر میاں شہباز شریف نے سابق وزیراعظم میاں نواز شریف کو خطرناک علامات کے باوجود ہسپتال منتقل نہ کرنے پر شدید احتجاج کیا ہے۔ ان کا کہنا تھا کہ سرکاری رپورٹس میں سنگین خطرات کی واضح نشاندہی کے باوجود ہسپتال منتقل نہ کرنا حکومتی بے حسی اور بدترین سیاسی انتقام پہ مبنی پالیسی ہے۔
ان کا کہنا تھا کہ میاں محمد نوازشریف کی جان سے کھیلا جارہا ہے، خدانخواستہ کچھ ہوا تو وزیراعظم عمران نیازی کو قاتل ٹھہرائیں گے، عوام کے حق کے لئے لڑنے والے قائد کی خاطر ہر خطرے سے ٹکراجائیں گے، جیل مینوئل پر عمل نہ کر کے کم ظرف حکمران لاقانونیت کے مرتکب ہو رہے ہیں۔
مسلم لیگ ن کے صدر کا کہنا تھا کہ یہ اقدامات واضح ثبوت ہیں کہ نوازشریف کو سیاسی انتقام کا نشانہ بنایا جا رہا ہے، اقدامات ثبوت ہیں کہ عمران نیازی کے حکم پر نوازشریف کو ہسپتال نہیں لیجایا جا رہا، عاقبت نااندیش حکمران قومی وجود پر لگنے والے زخموں میں اضافے کی حماقت پر اترے ہیں، عقل سے عاری اور تکبر سے بھرے حکمران حماقتوں سے ملک میں خانہ جنگی کرانے پر تلے ہیں۔
دوسری طرف مسلم لیگ ن کی ترجمان مریم اورنگزیب کا کہنا ہے کہ نوازشریف کو فوری طور پر ہسپتال منتقل کیا جائے، نوازشریف کی جان کو سنگین طبی خطرات لاحق ہیں، فوری ہسپتال منتقل کیا جائے،انکو خدانخواستہ نقصان پہنچا تو عوام کا ہاتھ اور عمران صاحب کا گریبان ہوگا۔
وزیراعظم محمد نوازشریف کو فوری ہسپتال منتقل کیا جائے
— Marriyum Aurangzeb (@Marriyum_A) October 21, 2019
عوام کے وزیراعظم محمد نوازشریف کی جان کو سنگین طبی خطرات لاحق ہیں، فوری ہسپتال منتقل کیاجائے
محمد نوازشریف کو خدانخواستہ نقصان پہنچا تو عوام کا ہاتھ اور عمران صاحب کا گریبان ہوگا
ذاتی معالج نے سرکاری رپورٹس دیکھ کر خبردار کیا ہے کہ نوازشریف کی جان کو سخت خطرہ ہے
— Marriyum Aurangzeb (@Marriyum_A) October 21, 2019
سرکاری طبی رپورٹس میں ان طبی خطرات کی نشاندہی کی گئی ہے
خون میں سفید خلیوں کی تعداد میں نمایاں کمی انتہائی خطرناک علامت ہے، نظرانداز کرنا جان لیوا ہوسکتا ہے
— Marriyum Aurangzeb (@Marriyum_A) October 21, 2019
کیسی کم ظرف، ظالم اور بے حس حکومت ہے جو سیاسی مخالف کو علاج، خوراک اور دوا سے محروم کرتی ہے
ان کا کہنا تھا کہ ذاتی معالج نے سرکاری رپورٹس دیکھ کر خبردار کیا ہے کہ نوازشریف کی جان کو سخت خطرہ ہے ،مریم اورنگزیب سرکاری طبی رپورٹس میں ان طبی خطرات کی نشاندہی کی گئی ہے، خون میں سفید خلیوں کی تعداد میں نمایاں کمی انتہائی خطرناک علامت ہے، نظرانداز کرنا جان لیوا ہوسکتا ہے، کیسی کم ظرف، ظالم اور بے حس حکومت ہے جو سیاسی مخالف کو علاج، خوراک اور دوا سے محروم کرتی ہے۔
مریم اورنگزیب کا کہنا تھا کہ عمران صاحب نوازشریف کو ہسپتال منتقل نہ کرکے آپ کی نالائقی، نااہلی اور جھوٹ چھپ نہیں سکتا، عمران صاحب علاج سے محروم رکھ کر آپ نوازشریف کو عوام کے حق کی بات کرنے سے دستبردار نہیں کراسکتے
The reports of former Prime Minister Muhammad Nawaz Sharif indicate a critically low blood platelet count. PML-N demands that Mian Nawaz Sharif should be shifted to hospital immediately#ReleaseNawazSharifNow#SaveNawazSavePakistan pic.twitter.com/Wjx4SkEkDo
— PML(N) (@pmln_org) October 21, 2019
ان کا کہنا تھا کہ نوازشریف آپ کے علاج، ہسپتال کو ٹھوکر مارتا ہے، عمران صاحب قانون کے تحت قیدی کے قانونی حقوق پورا کرنا حکومت کی ذمہ داری ہے، عمران صاحب سیاسی انتقام میں اندھے، بہرے اور گونگے نہ بنیں۔
