لاہور: (دنیا نیوز) ذرائع کے مطابق محکمہ سکول ایجوکیشن کی جانب سے موسم سرما کی چھٹیاں شیڈول کے مطابق 24 سے 31 دسمبر تک ہونگی، تاحال چھٹیوں میں کوئی تبدیلی نہیں کی گئی ہے۔
خیال رہے کہ گزشتہ سال بھی پنجاب بھر کے نجی اور سرکاری تعلیمی اداروں میں 24 دسمبر سے 31 دسمبر تک موسم سرما کی تعطیلات کی گئی تھیں۔ تاہم سرد موسم اور شدید دھند کی وجہ سے اسے 15جنوری تک بڑھانے کا اعلان کر دیا گیا تھا۔
گزشتہ سال صوبائی حکومت کی جانب سے جاری اعلامیے کے مطابق موسم سرما کی چھٹیوں میں توسیع کا فیصلہ موسمی حالات کے پیش نظر کیا گیا تھا۔ اعلامیہ میں بتایا گیا تھا کہ تعلیمی اداروں میں موسم سرما کی چھٹیاں شدید دھند اور سردی کے باعث 6 جنوری سے 15 جنوری تک بڑھائی جا رہی ہیں۔ چھٹیوں میں توسیع کا نوٹیفکیشن سیکرٹری اسکول ایجوکیشن کی طرف سے جاری کیا گیا۔
