اسلام آباد: (دنیا نیوز) چین میں کرونا وائرس سے متاثرہ تین پاکستانیوں کو مکمل صحتیابی کے بعد ہسپتال سے ڈسچارج کر دیا گیا ہے۔
اس بات کی اطلاع پاکستان میں قائم چینی سفارتخانے نے اپنے ٹویٹر اکاؤنٹ سے دی اور لکھا کہ یہ تینوں پاکستانی چینی شہر شین زن اور گوانگزو کے ہسپتالوں میں زیر علاج تھے۔
چینی سفارتخانے نے پاکستانیوں کیلئے نیک تمناؤں کا اظہار کرتے ہوئے اپنی میڈیکل ٹیم کا بھی تہہ دل سے شکریہ ادا کیا ہے۔
دوسری جانب وزیراعظم پاکستان عمران خان نے چین میں موجود پاکستانیوں اور طلبہ وطالبات کی دیکھ بھال کرنے کی خصوصی ہدایات جاری کی ہیں۔
We are pleased to learn that 3 Pakistani citizens affected by Coronavirus in China have been cured and discharged from hospitals in Guangzhou and Shenzhen of Guangdong Province. All the best to them! Thank you, medical team in China!@zfrmrza @AmbNaghmanaHash
— Chinese Emb Pakistan (@CathayPak) February 12, 2020
سماجی رابطوں کی ویب سائٹ ٹویٹر کے ذریعے جاری اپنی ہدایت میں انہوں نے لکھا کہ مصائب اور امتحان کے ان لمحات میں پاکستان چینی حکومت اور عوام کیساتھ ہے اور ہمیشہ انکے ساتھ کھڑا رہے گا۔
وزیراعظم نے لکھا کہ ہم بالکل اسی جذبے اور انداز میں چین کی ہر ممکن اخلاقی اور مادی معاونت کریں گے جیسے چین نے کرب اور آزمائش کی ہر گھڑی میں ہمارا ساتھ دیا۔
انہوں نے بتایا کہ میں نے دفتر خارجہ اور وزارت سمندر پار پاکستانیز کو ہدایات دی ہیں کہ ووہان میں پھنسے ہوئے ہمارے طلبہ اور طالبات کیلئے ہر ممکن قدم اٹھایا جائے۔
