راولپنڈی: (دنیا نیوز) آرمی چیف جنرل قمر جاوید باجوہ نے ہدایت کی ہے کہ کرونا وائرس پر قابو پانے کیلئے قومی کوششوں میں بھرپور مدد کی جائے۔
پاک فوج کے ترجمان میجر جنرل بابر افتخار کی جانب سے جاری ٹویٹ میں بتایا گیا ہے کہ آرمی چیف جنرل قمر جاوید باجوہ کی سربراہی میں کور کمانڈرز کانفرنس ہوئی جس میں مسلح افواج کی آپریشنل تیاریوں اور لائن آف کنٹرول کی صورتحال کا جائزہ لیا گیا۔
ڈی جی آئی ایس پی آر کے مطابق اجلاس میں افغان مفاہمتی عمل کے تناظر میں خطے کی سیکیورٹی صورتحال کا بھی جائزہ لیا گیا۔ آرمی چیف جنرل قمر جاوید باجوہ کا کہنا تھا کہ خطے میں امن واستحکام کا راستہ افغانستان سے ہو کر گزرتا ہے۔ مشترکہ کوششیں اور تحمل مزاجی کی مدد سے چیلنجز سے نمٹا جا سکتا ہے۔ پاکستان بھرپور اخلاص کے ساتھ اپنا کردار ادا کرنے کے لیے تیار ہے۔
CCC chaired by COAS today at GHQ.
— DG ISPR (@OfficialDGISPR) March 12, 2020
Forum reviewed operational preparedness, situation along LOC, geo strategic environment and national & regional security situation with particular emphasis on Afghanistan Peace Process. (1/3) pic.twitter.com/iMaIEgH7nt
اجلاس میں کرونا وائرس کی صورتحال کا بھی جائزہ لیا گیا جبکہ فوج میں کرونا وائرس کے سدباب کے لیے کیلئے جانے والے اقدامات پر بھی بات چیت کی گئی۔
آرمی چیف جنرل قمر جاوید باجوہ نے ہدایات جاری کیں کہ کرونا وائرس پر قابو پانے کیلئے قومی کوششوں میں بھرپور مدد کی جائے۔
Forum also discussed emerging situation with regards to COVID-19 and preventive measures taken at Army level. COAS directed all concerned to gear up preparations in support of national effort to counter this pandemic in case of any eventuality. (3/3)
— DG ISPR (@OfficialDGISPR) March 12, 2020
