پشاور: (دنیا نیوز) وزیر دفاع پرویز خٹک نے وضاحتی ٹویٹ میں کہا ہے تقریر میں واضح کیا کہ عمران خان کے مجھ پر بہت احسانات ہیں، ان کا مقروض ہوں۔ ہماری کوششوں اور وزیراعظم کی وجہ سے اپوزیشن کو شکست دی۔
اس سے پہلے پرویز خٹک کی کارنر میٹنگ کی ویڈیو وائرل ہوئی جس میں انہوں نے کہا تھا کہ اگر وہ خرابی کریں تو عمران خان کی حکومت ایک دن بھی نہ چلے۔ پورے پاکستان کی اپوزیشن میری عزت کرتی ہے، اسمبلی کے سارے ممبران کو سنبھالتا ہوں، عمران خان کی حکومت میں اگر میں خرابی کروں تو ایک دن بھی نہیں چل سکتی۔
Clearly mentioned in my speech for the locals of my village in Nowshera that I’m sincere & indebted to Imran Khan.We are successful in our const. due to our efforts & support of IK. We will defeat all opp. parties ganged up against the candidate we are supporting for the by-elec.
— Pervez Khattak (@PervezKhattakPK) January 31, 2021
کارنر میٹنگ میں وزیر دفاع نے مزید کہا تھا کہ میں جس سے اختیار لے لوں تو وہ خود ہی صفر ہو جاتا ہے۔ یہ میری محنت اور کوشش ہے کہ آج میں پورے پاکستان سے مقابلہ کر رہا ہوں۔عمران خان کے مجھ پر بہت احسانات ہیں۔
