اسلام آباد: (دنیا نیوز) وزیراعظم کے معاون خصوصی برائے اوورسیز پاکستانی زلفی بخاری نے کہا ہے کہ محمد علی سدپارہ سمیت لاپتہ کوہ پیماؤں کے معاملے کو وزیراعظم اور آرمی چیف دیکھ رہے ہیں۔
سماجی رابطے کی ویب سائٹ ٹویٹر پر اپنے ایک بیان میں انہوں نے لکھا کہ محمد علی سدپارہ اور ان کے ساتھیوں کی تلاش کیلئے سرچ اینڈ ریسکیو ٹیمیں مسلسل کام کر رہی ہیں۔ وزیراعظم عمران خان اور آرمی چیف جنرل قمر جاوید باجوہ مسلسل لا پتا کوہ پیماء کے معاملے کو خود دیکھ رہے ہیں۔
زلفی بخاری کا کہنا تھا کہ سرچ آپریشن کا آغاز صبح پھر کیا جائیگا, کوہ پیماؤں کی واپسی کیلئے قوم سے دعاؤں کی اپیل ہے، موسم کی صورتحال سازگار نہ ہونے کی وجہ سے یہ مشن آسان نہیں ہے۔
PM @ImranKhanPTI & COAS Gen Qamar Bajwa are concerned and personally following all developments regarding our missing mountaineers. High alt porters & Lama helis will restart search at the crack of dawn.
— Sayed Z Bukhari (@sayedzbukhari) February 6, 2021
Prayers needed from everyone for their safe return!#k2winterexpedition2021
معاون خصوصی اوورسیز پاکستانی کا کہنا تھا کہ ریسکیو آپریشن میں پاکستان آرمی کا تعاون حاصل ہے، علی سدپارہ کی بحفاظت گھر واپسی کیلئے ہر ممکن کوشش کریں گے، پاکستانی ان کی محفوظ واپسی کیلئے دعا کرتے رہیں۔
