واشنگٹن سے آن لائن نیوز کانفرنس کے دوران آئی ایم ایف کے ڈائریکٹر کمیونیکیشن جیری رائس نے کہا کہ کورونا میں پاکستان کے ساتھ تعاون بڑھائیں گے۔ کورونا کے مشکل وقت میں پاکستان کے ساتھ کھڑے ہیں، پاکستان پر قرضوں کے دباؤ کو کم کرنے میں مدد کریں گے۔

جیری رائس نے کہا کہ پاکستان کی معاشی ترقی بڑھانے میں معاونت کریں گے۔ آئی ایم ایف پاکستان کے ساتھ موجودہ پروگرام جاری رکھے گا، پاکستان کے ساتھ پروگرام کا چھٹا جائزہ حالیہ دنوں ہی اختتام پذیر ہوا ہے۔

جیری رائس کا کہنا تھاکہ موجودہ پروگرام کے تحت پاکستان کو دو ارب ڈالر فراہم کرچکے ہیں۔ پاکستان کے ساتھ مشاورتی عمل جاری رہے گا۔