اسلام آباد: (دنیا نیوز) وزیراعظم عمران خان نے کہا ہے کہ مٹہ اور سوات میں بنجر پہاڑ سرسبزو شاداب ہو رہے ہیں۔
اتوار کو اپنے ٹویٹ میں انہوں نے کہا کہ خیبر پختونخوا میں بلین ٹری سونامی مہم کے شاندار نتائج سامنے آ رہے ہیں۔
وزیراعظم نے مزید کہا کہ انشاء اللہ ہم اپنی آنے والی نسلوں کے لئے صاف ستھرا اور سرسبز و شاداب پاکستان چھوڑ کر جائیں گے۔
سوات کے علاقے مٹہ میں بنجر پہاڑ سبزہ اوڑھ رہے ہیں جو خیبرپختونخوا میں ہماری بلین ٹری سونامی مہم کے حیرت انگیز نتائج کی کرشماتی جھلک ہے۔ ربِ ذوالجلال کی مدد شاملِ حال رہی تو ہم ایک صاف اور سرسبز و شاداب پاکستان اپنی آئندہ نسلوں کے حوالے کریں گے، انشاءاللہ۔
— Imran Khan (@ImranKhanPTI) July 11, 2021
pic.twitter.com/HpkUlA88FR
وزیراعظم عمران خان نے اپنے ٹویٹ میں مٹہ اور سوات کے پہاڑوں کی وڈیو بھی شیئر کی جس میں ماضی کے ان بنجر پہاڑوں پر سرسبز درخت لہراتے ہوئے خوبصورت نظارہ پیش کر رہے ہیں۔
وزیراعظم نے اپنی ٹویٹ میں لکھا کہ سوات کے علاقے مٹہ میں بنجر پہاڑ سبزہ اوڑھ رہے ہیں جو خیبر پختونخوا میں ہماری بلین ٹری سونامی مہم کے حیرت انگیز نتائج کی کرشماتی جھلک ہے۔
عمران خان نے لکھا کہ ربِ ذوالجلال کی مدد شاملِ حال رہی تو ہم ایک صاف اور سرسبز و شاداب پاکستان اپنی آئندہ نسلوں کے حوالے کریں گے، انشاء اللہ۔
