تازہ ترین
  • بریکنگ :- لندن : رائل ملٹری اکیڈمی سینڈ ہرسٹ میں پاسنگ آؤٹ پریڈ
  • بریکنگ :- آرمی چیف جنرل قمر جاوید باجوہ پریڈ کی تقریب میں شریک
  • بریکنگ :- آرمی چیف جنرل قمرجاوید باجوہ نےپاسنگ آؤٹ پریڈ کامعائنہ کیا
  • بریکنگ :- آرمی چیف جنرل قمر جاوید باجوہ پریڈ میں شرکت کرنیوالےپاک فوج کےپہلے سربراہ ہیں
  • بریکنگ :- پاسنگ آؤٹ پریڈ میں 41 غیرملکی کیڈٹس پا س آؤٹ ہورہےہیں

جی ایس پی پلس سٹیٹس میں توسیع کا معاملہ، گورنر پنجاب کی نائب صدر یورپی پارلیمنٹ سے ملاقات شیڈول

Published On 13 October,2021 11:59 am

لاہور: (دنیا نیوز) جی ایس پی پلس سٹیٹس میں توسیع کا معاملہ، گورنر پنجاب آج یورپی پارلیمنٹ کے نائب صدر سے ملاقات کریں گے۔ یورپی پارلیمنٹ کے مزید 11 ارکان سے بھی ملاقاتیں شیڈول ہیں۔

گورنر پنجاب چودھری محمد سرور آج یورپی پارلیمنٹ کے نائب صدر ڈاکٹر فابیو کسٹالدو سے ملاقات کریں گے۔ ملاقات میں بیلجیئم میں پاکستان کے سفیر ظہیر جنجوعہ اور ای یو پاک فرینڈشپ کے چیئرمین پرویز اقبال لوسر بھی شریک ہوں گے۔

ڈاکٹر فابیو کسٹالڈو سے ملاقات میں پاکستان کے لئے جی ایس پی پلس میں توسیع کا معاملہ زیر بحث آئے گا۔ افغان امن عمل، مسئلہ کشمیر اور فلسطین پر بھی بات ہوگی۔ گورنر پنجاب افغان امن میں پاکستانی کردار بارے آگاہ کریں گے۔

گورنر پنجاب چودھری سرور نے کہا ہے کہ جی ایس پی پلس سٹیٹس میں توسیع پاکستان کا حق ہے، جو ہر صورت ملنا چاہئے، یورپی یونین کی تمام شرائط پر پاکستان مکمل عمل درآمد کو یقینی بنائے گا، ڈاکٹر فابیو نے پہلے بھی پاکستان کا ساتھ دیا، اب بھی ہمارے مؤقف کے ساتھ ہوں گے۔

چودھری سرور نے پہلے روز اہم کمیٹیوں کے سربراہوں سمیت 7 ارکان یورپی پارلیمنٹ سے ملاقاتیں کیں۔ گورنر پنجاب فرانس، جرمنی، یونان ، اسپین کے ارکان یورپی پارلیمنٹ سے بھی ملاقاتیں کریں گے۔ پولینڈ اور رومانیہ کے ارکان پارلیمنٹ کے سامنے بھی جی ایس پی پلس سٹیٹس میں توسیع کا معاملہ اٹھایا جائے گا۔

گورنر پنجاب بیلجیئم میں پاکستان کے سفیر کی جانب سے استقبالیہ میں شریک ہوں گے اور پاکستانی کمیونٹی سے خطاب کریں گے۔