اسلام آباد:(دنیا نیوز) وفاقی دارالحکومت کی انتظامیہ نے پاکستان پیپلز پارٹی (پی پی ) کو اسلام آباد میں تین کے بجائے صرف ایک روز کے جلسہ کی اجازت دینے کا فیصلہ کیا ہے۔
ذرائع کے مطابق اسلام آباد انتظامیہ کی جانب سے کہا گیا کہ فیصلہ پاک آسٹریلیا کرکٹ سیریز کے باعث کیا گیا ہے، پیپلز پارٹی صرف 9 مارچ کو اسلام آباد میں جلسہ کر سکتی ہے۔
ذرائع نے مزید بتایا کہ پیپلز پارٹی نے 7 مارچ سے 9 مارچ تک فیض آباد میں جلسہ کرنے کی اجازت مانگی ہے اور باقاعدہ درخواست ڈپٹی کمشنر آفس میں جمع کرا دی گئی ہے۔
