راولپنڈی: (دنیا نیوز)سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ بیک ڈور مذاکرات ہمیشہ ناکام ہوئے ہیں، ضمنی انتخابات کے نتائج کے بعد پی ڈی ایم الیکشن سے بھاگ گئی ہے۔
سماجی رابطے کی ویب سائٹ ٹویٹر پر اپنے پیغام میں شیخ رشید احمد نے کہا کہ جتنی مشکل سے نواز شریف باہر گئے اُتنی آسانی سے واپس نہیں آئیں گے، وزراء کی تعداد 76 جس میں 20 بے محکمہ ہیں، 25 نے گوشوارے جمع نہیں کروائے۔
بیک ڈور مذاکرات ہمیشہ ناکام ہوئے ہیں ضمنی انتخابات کے نتائج کے بعد پی ڈی ایم الیکشن سے بھاگ گئی ہے جتنی مشکل سے نواز شریف باہر گئےاُتنی آسانی سےواپس نہیں آئیں گے وزراکی تعداد76 .20بےمحکمہ25 نے گوشوارےجمع نہیں کروائےگردشی قرضہ ہوشرباءسطح تک پہنچ گیاہےاکتوبرنومبرمیں آرپارہوکےرہے گا
— Sheikh Rashid Ahmed (@ShkhRasheed) October 18, 2022
سابق وزیر کا کہنا تھا کہ گردشی قرضہ ہو شرباء سطح تک پہنچ گیا ہے، اکتوبر نومبر میں آر پار ہو کے رہے گا۔
