کراچی : ( دنیا نیوز ) شہر قائد کے علاقے سائٹ ایریا غنی چورنگی کے قریب کیمیکل فیکٹری میں لگی آگ پر قابو پالیا گیا۔
فائر بریگیڈ حکام کے مطابق سائٹ ایریا میں غنی چورنگی کے قریب کیمیکل فیکٹری میں لگنے والی آگ پر 6 فائر ٹینڈرز ، دو باؤزر اور واٹر ٹینکرز کی مدد سے قابو پایا گیا جبکہ کولنگ کا عمل ابھی جاری ہے۔
حکام نے بتایا کہ فیکٹری میں موجود تمام افراد کو بھی بحفاظت باہر نکال لیا گیا ہے جبکہ فیکٹری میں موجود گیس سلنڈرز بھی باہر منتقل کردیئے گئے ہیں۔
حکام نے مزید بتایا کہ آگ لگنے کہ وجہ تاحال معلوم نہیں ہوسکی ، اس حوالے سے تحقیقات جاری ہیں۔
