اسلام آباد: (ویب ڈیسک) وفاقی وزیر برائے ماحولیاتی تبدیلی سینیٹر شیری رحمٰن نے کہا ہے کہ رمضان المبارک میں شکر گزاری کے ساتھ ساتھ عاجزی اختیار کرنی چاہئے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر نے کہا کہ رمضان المبارک کے ان لمحات کا تقاضا ہے کہ ہم اپنی ترجیحات، طرز عمل اور اہداف پر غور کریں۔
شیری رحمان نے کہا کہ لمحہ موجود میں جینا ضروری ہے لیکن زندگی کی نعمتوں، مواقع کے لئے شکر گزاری کے ساتھ ساتھ عاجزی اختیار کرنا ضروری ہے، کچھ بھی ہمیشہ کے لئے نہیں ہے، ہمیں تفریق کو چھوڑ کر ایک دوسرے کی طرف ہاتھ بڑھانا چاہئے۔
— SenatorSherryRehman (@sherryrehman) April 14, 2023
انہوں نے کہا کہ دعا کے ساتھ صدقہ اور خیرات بھی کریں لیکن یہ ہمیشہ پیسے کے بارے میں نہیں ہے، اس کی شروعات چھوٹی چھوٹی قربانیوں اور بانٹنے جیسے کاموں سے ہوتی ہیں۔
