لاہور: (دنیا نیوز) پنجاب اور خیبر پختونخوا کی نگران حکومتوں کے معاملے پر تحریک انصاف نے سپریم کور ٹ میں پٹیشن دائر کرنے کا فیصلہ کر لیا۔
پٹیشن سابق وزیر اعلیٰ پنجاب چودھری پرویزالٰہی، سابق وزیراعلیٰ کے پی کے محمود خان اور فواد چودھری کی طرف دائر کی جائے گی۔
چیئرمین تحریک انصاف عمران خان نے اعلیٰ سطحی مشاورت کے بعد پٹیشن دائر کرنے کی منظوری دیدی، سپریم کور ٹ سے نگران حکومتوں کی مدت مکمل ہونے پر پنجاب اور کے پی میں ایڈمنسٹریٹرز مقرر کرنے کی استدعا کی جائے گی۔
دوسری جانب فواد چودھری کا کہنا ہے کہ نگران حکومت اپنی نوے دن کی آئینی مدت سے آگے نہیں جاسکتی ، سپریم کورٹ سے استدعا کریں گے کہ دونوں صوبوں میں ایڈمنسٹریٹرز مقرر کیے جائیں، سپریم کورٹ میں آج یا کل تک پٹیشن دائر کردی جائے گی۔
