لاہور: (دنیا نیوز) پاکستان تحریک انصاف (پی ٹی آئی) نے آج سے پنجاب بھر کے انتخابی حلقوں میں باقاعدہ الیکشن مہم کے آغاز کا اعلان کر دیا۔
سماجی رابطے کی ویب سائٹ ٹوئٹر پر سیکرٹری جنرل پاکستان تحریک انصاف اسد عمر نے کہا کہ آج سے انشاء اللہ پنجاب کے تمام حلقوں میں تحریک انصاف الیکشن مہم کا باقاعدہ آغاز کر دے گی، یہ تیار ہوں نہ ہوں، ہم تیار ہیں۔
کل سے انشاءاللہ پنجاب کے تمام حلقوں میں تحریک انصاف الیکشن مہم کا باقاعدہ آغاز کر دے گی۔ یہ تیار ہوں نہ ہوں، ہم تیار ہیں
— Asad Umar (@Asad_Umar) April 23, 2023
یاد رہے کہ سپریم کورٹ نے 14 مئی کو پنجاب میں عام انتخابات کے انعقاد کا حکم دے رکھا ہے۔
واضح رہے کہ گزشتہ روز چیئرمین تحریک انصاف عمران خان نے پنجاب میں ٹکٹوں کی تقسیم پر کارکنوں کی خدشات دور کرنے کیلئے نئی کمیٹی قائم کرنے پر مشاورت کی، سابق وزیر اعظم نے عید کے پہلے روز ٹکٹوں کی تقسیم کے حوالے سے خدشات کا جائزہ لیا۔
چیئرمین پی ٹی آئی عمران خان پنجاب میں ٹکٹوں کی تقسیم کے حوالے سے مجوزہ ریویو کمیٹی کی سربراہی خود کریں گے، کمیٹی کے دیگر ممبران میں وائس چیئرمین پی ٹی آئی شاہ محمود قریشی، اسد عمر، اعجاز چودھری سمیت دیگر شامل ہوں گے۔
