پاکستان
خلاصہ
- لندن: (دنیا نیوز) کامن ویلتھ سربراہان مملکت کے اجلاس میں وزیر اعظم شہباز سے سیکرٹری جنرل پیٹریشیا سکاٹ لینڈ کی ملاقات ہوئی جس میں عالمی برادری کو درپیش بڑے چیلنجز کی روشنی میں دولت مشترکہ کے کردار پر بات چیت کی گئی۔
اس موقع پر وزیراعظم شہباز شریف نے کہا کہ پاکستان ماحولیاتی تبدیلی اور نوجوانوں کے کردار کو بڑھانے کیلئے رکن ممالک کے ساتھ مل کر کام کرنے کا خواہاں ہے، پاکستان دسویں کامن ویلتھ یوتھ وزارتی اجلاس کی میزبانی کرے گا۔
— Marriyum Aurangzeb (@Marriyum_A) May 5, 2023
ان کا کہنا تھا کہ اجلاس کو غیر معمولی سیلاب کی وجہ سے ملتوی کرنا پڑا، سیلاب نے ملکی معیشت اور بنیادی ڈھانچے کو شدید نقصان پہنچایا۔
دوران گفتگو وزیراعظم شہباز شریف نے کامن ویلتھ کی سیکرٹری جنرل پیٹریشیا سکاٹ لینڈ کو پاکستان کا سرکاری دورہ کرنے کی دعوت بھی دی۔
