اسلام آباد: (دنیا نیوز) پاکستان نے غزہ میں انسانی المیے کے پیش نظر فوری امداد بھیجنے کا فیصلہ کیا ہے۔
ترجمان دفتر خارجہ کے مطابق غزہ میں رونما ہونے والے انسانی المیے کے پیش نظر حکومت پاکستان نے فلسطینی بھائیوں کے لیے فوری طور پر انسانی بنیادوں پر امداد روانہ کرنے کا فیصلہ کیا ہے۔
دفتر خارجہ کا کہنا ہے کہ اسرائیلی جارجیت کا شکار ہونے والی غزہ کی بڑی آبادی کو فوری امداد کی ضرورت ہے، حکومت فلسطینی ہلال احمر سوسائٹی کے ساتھ رابطے میں ہے۔
ترجمان دفتر خارجہ نے کہا کہ امدادی سامان کی ترسیل کیلئے پاکستان اقوام متحدہ کی متعلقہ ایجنسیوں ، مصر اور بیرون ملک پاکستانی مشنز کے ساتھ رابطے میں ہے تاکہ امدادی سامان کی ترسیل کے طریقوں کو حتمی شکل دی جا سکے۔
