کراچی: (دنیا نیوز) خیبر پختونخوا پولیس کے اہلکاروں کے قتل میں مطلوب دہشتگرد کو کراچی سے گرفتار کر لیا گیا۔
ایس پی ایس آئی یو کے مطابق گرفتار دہشت گرد اہلکاروں کے قتل سمیت 32 سنگین کیسز میں اشتہاری تھا، گرفتار دہشت گرد کا تعلق کالعدم تنظیم سے ہے، دہشت گرد کی شناخت ارشاد خان ولد حسن کے طور پر ہوئی ہے۔
ایس پی جنید شیخ نے مزید بتایا کہ خیبرپختونخوا کی سی ٹی ڈی پولیس کے آپریشن دوران دہشت گرد کراچی میں آکر روپوش ہوگیا تھا، گرفتار دہشتگرد سے مزید تفتیش کی جا رہی ہے، کے پی پولیس سے رابطے میں ہیں۔
